Psalms 136

Rwĩmbo rwa Gũcookia Ngaatho

1 ^aCookeriai Jehova ngaatho, tondũ nĩ mwega.
Wendo wake nĩ wa tene na tene.
2Cookeriai Ngai wa ngai iria ingĩ ngaatho.
Wendo wake nĩ wa tene na tene.
3 ^bCookeriai Mwathani wa aathani ngaatho:
Wendo wake nĩ wa tene na tene.

4 ^cwe wiki nĩwe wĩkaga maũndũ manene ma magegania,
Wendo wake nĩ wa tene na tene.
5 ^dnĩwe wombire igũrũ na ũndũ wa ũmenyo wake,
Wendo wake nĩ wa tene na tene.
6nĩwe watambũrũkirie thĩ nyũmũ igũrũ rĩa maaĩ,
Wendo wake nĩ wa tene na tene.
7 ^enĩwe wombire imũrĩ iria nene,
Wendo wake nĩ wa tene na tene.
8riũa rĩathage mũthenya,
Wendo wake nĩ wa tene na tene.
9naguo mweri na njata ciathage ũtukũ;
Wendo wake nĩ wa tene na tene.

10 ^fnĩwe waringire marigithathi ma Misiri,
Wendo wake nĩ wa tene na tene.
11 ^gakĩruta Isiraeli gatagatĩ-inĩ kao,
Wendo wake nĩ wa tene na tene.
12na guoko kwa hinya na atambũrũkĩtie gĩcoka gĩake,
Wendo wake nĩ wa tene na tene.

13 ^hnĩwe wagayũkanirie Iria Itune rĩgĩtigana,
Wendo wake nĩ wa tene na tene.
14agĩtũma andũ a Isiraeli matuĩkanie gatagatĩ karĩo,
Wendo wake nĩ wa tene na tene.
15 ⁱno Firaũni na ita rĩake akĩmahubĩkanĩria kũu Iria-inĩ Itune;
Wendo wake nĩ wa tene na tene.

16 ^jnĩwe watongoririe andũ ake magĩtuĩkanĩria werũ-inĩ,
Wendo wake nĩ wa tene na tene.
17 ^knĩwe waringire athamaki maarĩ anene,
Wendo wake nĩ wa tene na tene.
18 ^lna akĩũraga athamaki maarĩ ngumo:
Wendo wake nĩ wa tene na tene.
19nĩo Sihoni mũthamaki wa Aamori,
Wendo wake nĩ wa tene na tene.
20na Ogu mũthamaki wa Bashani;
Wendo wake nĩ wa tene na tene.
21 ^mna akĩheana bũrũri wao ũtuĩke igai,
Wendo wake nĩ wa tene na tene.
22 ⁿũgĩtuĩka igai rĩa Isiraeli ndungata yake;
Wendo wake nĩ wa tene na tene.

23nĩwe watũririkanire rĩrĩa twahatĩrĩirio,
Wendo wake nĩ wa tene na tene.
24 ^ona agĩtũhonokia kuuma kũrĩ thũ ciitũ,
Wendo wake nĩ wa tene na tene.
25 ^pnĩwe ũheaga ciũmbe ciothe irio.
Wendo wake nĩ wa tene na tene.

26Cookeriai Mũrungu wa igũrũ ngaatho.
Wendo wake nĩ wa tene na tene.